يعني إيه التسويق الإلكتروني
يعني إيه التسويق الإلكتروني
يعني إيه تسويق الإلكتروني؟
في تعريفات كتيرة جداً للتسويق، وكل تعريف فيهم دايماً على حق!
لأنه بيكون معتمد على وجهة نظر مبنية على تجربة أو تجارب كتير.
ومع تفريعات التسويق المختلفة وقبل ما نتوه لازم نكون عارفين إن التسويق بدء من العصر الحجري!
الإنسان على مر العصور كان بيحاول يبني مجتمع، لأنه مبيقدرش يعيش لوحده
ولذلك من قبل ما يتوجد حاجة اسمها استراتيجيات التسويق، كان بيعتمد على استراتيجية خاصة بيه
يعني كمثال: إنسان جديد دخل على قبيلة حاول يتعرف عليه ويقرب منهم من خلال تنفيذ عاداتهم، دايما كان بيصدر لهم صورة إنه مفيد لمجتمعهم، إنه جزء لا يتجزأ من ثقافتهم.
هو ده اللي بيحصل حالياً في تسويق الخدمات او تسويق المنتجات اللي بتقدمها للجمهور بتاعك!
بعيداً عن عرض خدماتك أو منتجاتك بتبدأ تقول لهم نصائح يستفادوا بيها، علشان يعرفوا إنك مفيد لهم مش مجرد بياع
تبدأ تقدم التهاني في أي مناسبة تمر على مجتمعهم
حتى التريندات اللي بتحصل على السوشيال ميديا تستغلها لصالحك فيتحول الموضوع لإنك بقيت جزء من ثقافتهم
يبقى لازم تعرف يعني إيه التسويق الإلكتروني والاستراتيجية المناسبة
![يعني إيه التسويق الإلكتروني](https://i-imagine.co/wp-content/uploads/2022/06/960x0-300x169.jpg)
يعني إيه التسويق الإلكتروني
في عوامل كتير تقدر تحدد عليها الاستراتيجية المناسبة لكن أهمها
- انت بتخاطب مين
يعني هل جمهورك من الشباب، مستوى تعليمهم، المنطقة الجغرافية اللي بتستهدفها ، اهتمامات الباير بيرسونا بتاعك إيه وهكذا من التفاصيل
- بتشتغل في أي سوق عمل
طبيعي إنك لو بتشتغل في مصر إهتمامات السوق المصري وطبيعته، هتختلف كلياً عن لو اشتغلت في السوق الكويتي أو السوق المغربي! ولذلك لازم تكون محدد سوق العمل اللي هتقدم فيه خدمتك أو منتجك
- مكانك فين من سوق العمل
من النقاط الرئيسية والاساسية، اللي من خلالها تقدر تحدد إنت حدودك إيه والنقطة دي تحديداً مش بس هتفيدك في التسويق، هي كمان هتفيدك في تحديد العروض اللي هتقدمها، في مدى صلابتك وقوتك ، هتنفعك في تحديد النقطة اللي بعد كده
- مين المنافسين الاساسيين ليك
لو عرفت مكانك فين في السوق هتقدر تحدد المنافسين بتوعك، تقدر من خلال المنافسين تعرف إيه نقاط قوتهم ونقاط ضعفهم وتشتغل عليها، بيقدموا إيه للعملاء وتقدمه بصورة أفضل
بمجرد ما تحدد النقاط دي انت قدرت تعرف أي استراتيجية تسويقية تستخدمها
كمان هتقدر تحدد أنواع المحتوى اللي ممكن تستخدمها في التسويق لمشروعك
التفاصيل اللي في المقال دي ممكن تساعدك إنك تقدم خطة يعتمد عليها في التسويق لمنتجك لكن في بعض التفاصيل ذكرها أو حتى مذكرتها متساعدش!
تفاصيل متتحفظش لو عايز تعرف يعني إيه التسويق
خلينا نتفق إن مفيش شخص في الدنيا يقدر يعمل كل حاجة، حتى لو بيعمل كل حاجة، مش هيقدر يعمل كل حاجة بنفس الجودة اللي بيدور عليها لشغله.
ودي الأزمة يبقى علشان تعرف يعني إيه التسويق الإلكتروني
محتاج تستعين بالمتخصصين، لو حبيت تعمل إعلانات، هتلاقي كتير من الميديا باير موجودين وكلهم شاطرين يقدروا يوصلوك لهدفك اللي بتدور عليها
بأقل تكلفة وفي أسرع وقت
عايز تعمل ديزاين هتلاقي اكتر من جرافيك ديزاينر شاطر ممكن يثبت هويتك في عقل الناس من خلال التصميمات المبتكرة اللي هيقدمها
عايز تكتب محتوى يشد الجمهور أكتر ليك
روح لأي كاتب محتوى واطلب منه المساعدة
حتى في الرد على العملاء لازم تختار شخص يقدر فعلاً يكون الواجهة اللي بتدور عليها في الرد على عملائك
لأن الهدف من التسويق إنك تظهر في صورة اللي في خيال عميلك مش اللي في خيالك انت
وخد بالك من النقطة دي جداً
العميل لو شافك بتقدم قيمة هو بيدور عليها هيكون ولائه ليك.
لازم العميل يحس إنك جزء من ثقافته وبتشاركه أي مشاعر هيكون ولائه ليك
العميل لو شاف إنك بترد عليه بطريقة محترمة ومناسبة هيرتبط بيك اكتر
ضيف عليهم إنك تبقى عارف الحالة الإقتصادية والوضع الحالي للعميل!
كلنا بقى عندنا واي فاي ونت في البيت.
لكن لو عميلك شخص من الطبقة المتوسطة وانت بتقدم له خدمة في المصيف في اسكندرية او بورسعيد
مينفعش المحتوى بتاعك يكون فيديو طويل لأن العميل غالباً في المصيف بيتسخدم الباقة واكيد مش هيشغل فيديو
علشان يشوف انت بتقدم له جديد
يبقى التصرف الصحيح إنك لو بتقدم خدمة انت بعد ما درست السوق عرفت إن عميلك أو الباير بيرسونا اللي هيشتري منك
هيكون في مصيف بعيد عن النت او بيته إن المحتوى بتاعك يكون ديزاينز.
اكيد الفيديوهات مهمة ولازم تعمل فيديوهات لكن مش هي العامل الرئيسي اللي هتعتمد عليه
ممكن ننهي المقال ده ب
قصة صغيرة
عن براند عالمي للجواكت في إيطالية قرر إنه يعمل حملة بعنوان
لا تشتري هذا الجاكت؟!
طبعاً العنوان بتاع الحملة عمل ضجة كبيرة جداً لكن فريق التسويق جمع بين أكتر من أسلوب علشان يكسب عملاء أكتر
بدأ عرف الناس إزاي يميزوا ما بين الجاكت اللي الجودة بتاعته عالية او لا!
وفي خلال نفس الحملة كان بيأكد إن كل العوامل اللي تم ذكرها موجودة في الجاكت بتاعهم
علشان كده البراند حقق مكاسب رهيبة لأنه قدم قيمة للعميل بتاعه بأنه عرفه إزاي يختار في المستقبل
إسم الحملة كان خاطف للأنظار فقدر يحقق هدفه
والاهم من كل ده إنه فهم العملاء قد إيه المنتج اللي بيتقدم لهم على جودة عالية لدرجة إن كل المميزات موجودة فيه.
لو عايز تعرف معلومات اكتر عن التسويق او عن خدماتنا ممكن تزور صفحتنا على الفيسبوك هتلاقي التفاصيل اللي بتدور عليها
حملات اعلانية ناجحة
الفرق بين حملات اعلانية ناجحة وفاشلة
حملات اعلانية ناجحة كتير اتعملت خلال السنين اللي فاتت، الأهم من ده إنك تدرس الحملات الإعلانية الفاشلة!
علشان متكررش نفس الغلط اللي حصل قبل كدة.
لأن بدرستك لأي حملات اعلانية فشلت إنت بتقدر تحدد:
- إزاي تعدي الفشل ده
- تحويل النقاط السلبية لإيجابية
- تحديد مسار ما بعد الحملة
والمقصود هنا مش بس حملات اعلانية على فيس بوك
أو الحملات الاعلانية على السوشيال ميديا بس!
إحنا بنتكلم على الحملات الإعلانية بشكل عام
القصة الأولى من حملات اعلانية فاشلة
من كام سنة أحدى ولايات الولايات المتحدة الامريكية قررت منظمة توعوية، انها تعمل حملة اعلانية توعوية!
عن مخاطر المخدرات لكن المرة دي الحملة كانت مختلفة شوية!
لأن المنظمة قررت تحل المشكلة من الجذور، هتحل المشكلة من عند الاطفال وبصورة غامضة قررت المنظمة كتابة الرسالة على الأقلام الرصاص
WAY TOO COOL TO DO DRUGS
الترجمة الحرفية لها كارثة لكن الترجمة الدارجة الامريكية معناها إن المخدرات مش حاجة حلوة انك تشربها
المشكلة الكبيرة واللي مش فاهم إزاي محدش اخد باله منها!
إن ده قلم رصاص يعني بيخلص والأطفال بتبريه علشان السن ينفع يتكتب بيه
مع الوقت الجملة كان بيتقص منها حتة يعني مرة
cool to do drugs
وفي اخر القلم خالص واللي بيستمر في إيد الأطفال مدة طويلة
do drugs
يعني اشرب مخدرات! طبعاً الحملة فشلت فشل ذريع وحاولت المنظمة تصلح الخطأ باكتر من طريقة، لكن كان الموضوع وصل لحد السخرية ومبقاش فيه امل من رجوعه.
الفكرة في إن الحملة ممكن تكون مبتكرة فعلاً ومختلفة، وأكيد الهدف منها حاجة مهمة وهي توعية الاطفال بخطورة المخدرات
لكن التنفيذ وأبعاد الحملة محدش ذاكرها كويس.
عمل زي اللي صنع عربية بتتحرك بسرعة جداً لكن معملش حساب الفرامل، ليه لأنه كان بيفكر في سرعة العربية بس وقت الحملة
بإختصار شديد
إزاي أعمل حملة ناجحة
- لازم تدرس ابعاد الحملة وتحدد الهدف منها
- تحاول تبتكر فكرة جديدة جذابة
- تدرس المنافسين وتعرف حملاتهم اللي نجحت واسبابها
- اكيد تدرس جمهورك وتعرف انت بتخاطب مين
- أهم نقطة إنك تدرس الظروف الاجتماعية المحيطة بالمنتج أو الحملة اللي بتعملها
لأن فيه شركات كتير وقعت في كوارث وحملات اعلانية فشلت بالكامل بعد ما اتصرف عليها ملايين! لمجرد إن محدش أخد باله من المجتمع وظروفه
وبقيت حملات اعلانية فشلة بدل ما تبقى حملات اعلانية ناجحة
القصة الثانية من حملات اعلانية فاشلة
سنة 2017 التطبيق الشهير ” اير بي ان بي ” عمل حملة إعلانية بعنوان ( العالم العائم ) وكان بيعلن فيها عن جمال
المنازل العائمة والاستمتاع بها في اجازاتك!
المشكلة إن في نفس التوقيت وفي ولاية هيوستين تحديداً،ضرب إعصار هارفي الولاية وتسبب في كوارث وفيضانات
أدت لخسائر بالمليارات غير الخسائر في الارواح وبيوت أنهارت بسبب الامطار!
لذلك من المهم إنك تبقى عارف الظروف الاجتماعية بصورة اكبر وبطريقة أكتر
لكن خلينا نتفق إن الظروف المحيطة بالمجتمع مش هي الظروف الوحيدة اللي لازم تكون في الحسبان
في ظروف وأجواء جوية حتى ممكن تحول حملتك الإعلانية من حملة ناجحة جداً لحملة فاشلة جداً يعني مثلاً
القصة الثالثة من حملات اعلانية فاشلة
سنة 1999 وفي امريكا بردو بيقام دوري كرة القدم الامريكي واللي بالمناسبة هو مختلفة تماماً عن كرة القدم
اللي موجودة في العالم! المهم إن في السنة دي قررت منظمة إن بي سي تنظيم بطولة جديدة مشتقة من الدوري القديم
البطولة دي هيكون إسمها ” اكس إف إل ” والفكرة اللي كانت مطروحة هو عمل منطاد يلف فوق الولايات المتحدة كلها!
محطوط إسم البطولة الجديدة على المنطاد وشعار الشبكة إن بي سي
طبعاً مفيش شخص ممكن يخطر على باله يشوف الطقس والاجواء، أثناء التفكير في الحملة دي، خصوصاً إن الفكرة رغم قدمها لكن فكرة حلوة
وهتحقق الغرض منها كمان لو اتنفذت صح
المنطاد بدأ جولته لكن زي ما قولنا حالة الطقس مكنتش مستقرة ومع الوقت المنطاد حصل فيه عطل ميكانيكي
وبدل ما كان المفروض للدعاية بقى للرعب لأنه كان طاير فوق مدينة اوكلاند بدون أي سيطرة مع الحجم الكبير
ممكن لو وقع على بيت يهدمه وممكن يكون فيه خسائر للأرواح
لكن لحسن الحظ المنطاد وقع على الساحل ويدوبك كسر جزء من مطعم والخسائر تقريباً كانت 2.5 مليون دولار فقط
لكن طبعاً الحملة فشلت فشلة ذريع واتعرضت لانتقادات وسخرية كبيرة حتى البطولة اللي كانت المفروض تتنظم اتأجلت علشان متخسرش
الخلاصة إنك علشان تعمل حملات اعلانية ناجحة لازم تعمل دراسة مطولة عن كل تفصيلة وكل كبيرة وصغيرة ممكن تأثر بالسلب او بالإيجاب على الحملة.
لن وي ما بيقولوا الأهم من الشغل ظبط الشغل
والاهم من كل ده انك تتابعنا على حسابتنا على السوشيال ميديا ولو حابب يكون بينا تعامل ياريت تتواصل معنا علشان ننجح سواء
https://www.facebook.com/iimagineegy
افضل انواع المحتوى التسويقي
المحتوى الرقمي وأنواعه
افضل انواع المحتوى التسويقي! الحقيقة مفيش حاجة اسمها كده، زي ما قولنا قبل كدة كل مجال بيكون له المحتوى المناسب له
المحتوى مش بيتقسم انواع بس، كمان بيتقسم اقسام تحت الانواع! أي كاتب محتوى عارف الكلام ده كويس
المحتوى هو الملك
كام مرة سمعت الجملة دي؟ كتير صح ده لأن المحتوى بشكل عام هو اللي بيحرك عالم التسويق، إزاي تقدم المحتوى الأكثر مشاهدة، لأن حتى الإعلان بيكون عبارة عن محتوى!
إيه هي انواع المحتوى التسويقي؟
- مقال
- فيديو
- صوتيات
كل نوع من انواع المحتوى دي تحتيه بحر من الاقسام التانية اللي بتخدم على فكرة كاتب المحتوى، الفكرة في القدرة على توصيل الغرض من المحتوى، ولذلك مش أي كلام بيتكتب ينجح!
بمعنى إنك ككاتب محتوى لازم قبل ما تكتب، تعرف إنت بتخاطب مين؟ ودي بتسمى مرحلة تحليل البيانات
كاتب المحتوى بشكل عام لازم يعدي على 7 مراحل أساسية قبل ما يطلع محتوى
- البريف: ودي المعلومات اللي بيحصل عليها من العميل علشان يحدد فيها( أهدافه- متطلباته- الخدمة او المنتج بالتفصيل- المميز عنده- أهم المنافسين من وجهة نظره- عايز الدمهور يشوفه إزاي)
- تحليل السوق والمنافسين: تاني مرحلة إنك تحلل السوق بشكل عام والمنافسين اللي قال عليهم العميل، وزود عليهم منافسين تانيين، إنت شايف إنهم في نفس مستوى العميل علشان تعرف تكتب وتخرج بالقلم
افضل انواع المحتوى التسويقي - تحليل العميل: تالت مرحلة هي تحليل العميل نفسه، هو موقفه إيه في السوق، المشاكل اللي بتواجه، ليه لجأ إليك؟ العقبات والخطورة اللي ممكن تكون سبب في فشله
- تحديد الجمهور: دي أهم مرحلة من مراحل كتابة العميل علشان فيها هتقدر تحدد هتكلم جمهورك إزاي؟ يعني لو بتخاطب مجتمع في أوروبا مش هيكون زي الشرق!
وفي المرحلة دي هتقسم جمهورك من خلال ( المنطقة الجغرافية- السن- النوع- الاهتمامات- اللغة) .
كل قسم من الأقسام دي تحتيه انواع كتير.
وكل مكان فيهم بيستخدم حاجة إسمها نغمة الكلام زي ما ضربنا مثل فوق بالمكان.
كمان ممكن تضرب مثل بالسن، لأنك مش هتخاطب شخص عنده 60 سنة بنفس طريقة شخص عنده 18 سنة.
- المحتوى الأولي: وده بيكون المحتوى اللي بيطلع من تحت إيدك بعد التحليل، لازم يعدي على العميل علشان يوافق عليه، وغالبا حتى لو كنت شاطر هيحصل تعديلات وده اللي بيودينا للمرحلة اللي بعد كده
- التعديلات: ودي لو انت كاتب محتوى شاطر، مش هيكون فيها تعديلات كتير، ممكن مصطلح استخدمته غلط، جملة مش عاجبة العميل! وبشكل عام التعديلات ظاهرة صحية.
-
:المحتوى النهائي
دي المرحلة اللي بتكون وصلت فيها لأنك تطلع محتوى تكون إنت راضي عليه، والعميل مبسوط وشايف إنك حققت المعادلة الصعبة
يتبقى لنا حاجة مهمة جداً متكلمناش فيها، تركيزنا كله كان منصب على إيه هو
افضل انواع المحتوى
إيه هي أقسام المحتوى؟
لازم تبقى عارف وإنت بتحدد خطة المحتوى، انت بتقدم إيه لعميلك، المجال اللي بتتكلم فيه،إيه اللي يناسبه من اقسام المحتوى! ودي بترجع لكاتب المحتوى نفسه وخبرته لكن بشكل عام اقسام المحتوى هي
- التعليمي : وده اللي من خلاله بتقدم قيمة لجمهورك، يعني لو بتبيع كورسات مينفعش تقعد تقوله اشتري الكورس، قدم له نصيحة توصل له إنك فاهم شغلك كويس فيثق فيك فيشتري الكورس
- التحفيزي: غالباً النوع ده من المحتوى بيتم استخدامه في الاكاديميات بشكل عام، ومجالات العمل زي إدارة وتنمية المشروعات وهكذا
- البيعي: وده بيتم استخدامه في كل المجالات لأن الهدف منه توجيه العميل إنه يشتري منك الخدمة اللي بتقدمها أو المنتج اللي بتقدمه
- ترفيهي: النوع ده مش بيتم استخدامه لو بتبيع منتج أو خدمة لأنه بيعتمد على الميمز والضحك، لكنه مازال جزء من أجزاء المحتوى
- احصائي: أشهر انواع القسم ده من المحتوى هو الانفوجراف، إنك تقدم مجموعة من الأرقام والاحصائيات في شكل تصميم يجذب عين الجمهور
- تفاعلي: علشان تنجح لازم دايماً يكون في بينك وبين عميلك همزة وصل، ده بالإضافة لعوامل تانية اتكلمنا عليها قبل كده في مقال إزاي تكسب وتخسر عميل
قدم لعميلك اسئلة تفاعلية، اسئله عن رأيه في منتجك، أو شاركه بلعبة تخليه يكتب كومنت أو يكون على تواصل دائم معاك، اجبره بطريقة لطيفة إنه ميكونش مشاهد للمحتوى اللي بتقدمه، يشاركك فيه كمان - الرائج أو “التريند”: اهم اقسام المحتوى في الوقت الحالي، إنك تستخدم التريند! علشان يقدر يخدم على الخدمة او المنتج اللي بتقدمه
وفيه شركات كتير في الوقت الحالي بتعتمد على النوع ده من المحتوى بشكل أساسي في التسويق لمنتجاتها.
خلاص القول
إن الهدف من المحتوى في الاول والأخر هو الترويج، بصورة مباشرة او غير مباشرة لفكرتك أو منتجك أو خدمتك.
العالمي الرقمي بالكامل بيعتمد على المحتوى بكل انواع واقسامه.
في عوامل كتير لازم تكون واقف عليها وعارفها قبل ما تكتب
خد وقتك ومتستسهلش الموضوع لأنه مش سهل
وأخيراً لازم تتابعنا على كل منصاتنا علشان تعرف أكتر
https://www.facebook.com/iimagineegy
أهم منصات السوشيال ميديا
أفضل منصات السوشيال ميديا
أهم منصات السوشيال ميديا، سؤال بيسأله ناس كتير أوي!
السؤال الأهم هل فيه حاجة إسمها اهم منصة؟
الحقيقة مفيش اهم منصة، لأن ببساطة كل مجال أو نشاط، أو حتى طبيعة الأشخاص له منصته الخاصة
-
فيسبوك اكبر منصات السوشيال ميديا:
- لكن مش الاهم! يعني لو عايز تتعرف على ناس في مصر وتكون صداقات، فيسبوك هو اختيارك الأفضل، وعلشان فيسبوك عارف احتياجات عملائه وإن معظمهم بيشتكي من أحياناً البرنامج بيكون تقيل، وفر للعملاء فيسبوك لايت بنفس الإمكانيات والقدرات اللي بيدوروا عليها لكن بحجم أقل وأخف على الموبايل مع توفير برامج تانية مشتقة من تطبيق فيسبوك وهو ماسنجر لتسهيل الدردشة بين المستخدمين مع مميزات أكتر وبشكل يناسب التطورات والاحتياجات اللي بيدوروا عليها
لكن لو بتدور على شغل، فيسبوك مش هيكون مفيد أوي بالنسبة لك
-
لينكد إن من منصات التوظيف:
- هي المنصة الاهم فيما يخص التوظيف بين منصات التواصل الإجتماعي ، حتى في تعريفها هي منصة توظيف كبرى، مش بس علشان بتقدم شغل وموقع توظيف، لكن كمان لأنها بتوفر وبتقدم لك خبرات عملية عن ناس تانية! بالرغم من كل المميزات المجانية اللي بتقدمها المنصة على كافة الأنحاء، وإنك ممكن تاخد كورس ببلاش وشهادات معتمدة (في وورد أو اكسيل أو سيو أو الديجيتال ماركتينج عموماً)
لكن كمان في لينكد إن بريميوم! مع إمكانيات غير محدودة سواء في البحث أو المعلومات.
أهم منصات السوشيال ميديا
إنستاجرام منصة المشاهير:
بالرغم من إن فيسبوك هي الشركة المالكة لانستاجرام، إلا إن خصائص الانستاجرام بتكون مختلفة تماماً عن فيسبوك!
وده اللي اتكلمنا عليه من شوية عن إن فيسبوك يهمه جداً توفير كل احتياجات العملاء،
انستاجرام تعتبر هي منصة المشاهير لأن اعتمادها الأساسي على الرؤية أو الصور!
ويمكن انستاجرام محدش يقدر ينافسها كمنصة في عالم الترفيه طبعاً!
لأن فيه منصات تانية كتير بتقدم لك الصور لكن معظمها بيكون للشغل مش ترفيه، زي بنترست أو بيهانس وخلافه
تويتر الأصدق:
بين منصات ووسائل التواصل الإجتماعي، يعتبر تويتر هو الأصدق! وده لأنه حازم جداً فيما يخص إنشاء الحسابات الشخصية للمشاهير
لكن خلينا نتكلم في الموضوع من منظور مختلف شوية، إنت لو شغال في مصر وبتستخدم تويتر تبقى غلطان!
لكن لو شغال في مصر وبتستهدف الخليج أو أمريكا غنت كده صح
ليه تويتر ملوش أهمية في مصر ؟ علشان بيحط عقبات ومشاكل كتير أوي غير إنه مش مرن، يعني عدد حروف معينة في الكتابة- بيعتمد أكتر على الحروف من الصور- غير إن بالرغم من وجود خاصية الدردشة لكنها مش بمرونة الفيسبوك!
علشان كده لما تعمل شغل تسويق حدد أهدافك الأول، زي ما اتكلمنا في مقال إزاي تنجح في التسويق
محتاج تعرف معلومات اكتر ممكن تزور صفحتنا على فيسبوك
https://www.facebook.com/iimagineegy
أفضل نتائج إعلان للفيسبوك
إزاي تحقق أفضل نتيجة من الإعلانات
أفضل نتائج إعلان للفيسبوك! ممكن توصل لها بأكتر من طريقة وأسلوب، أهم حاجة تكون عندك المعلومات الكافية عن:
- مدير إعلانات الفيسبوك
- اسعار الإعلانات في الفيسبوك
- أفكار إعلانات فيسبوك
- أفضل الطرق للإعلان
هنتكلم بالتفصيل عن كل نقطة علشان توصل لأفضل نتائج إعلان للفيسبوك
أولاً مدير إعلانات الفيسبوك: يعتبر هو النقطة الأهم لتشغيل الإعلانات على: فيسبوك وانستاجرام وماسنجر!
يعني اداة شاملة مش بس لتشغيل الإعلانات، كمان لإدارتها بصورة صح ومراقبتها لتحقيق أفضل أداء!
ثانياً أسعار الإعلانات في الفيسبوك: كل نوع من أنواع الإعلانات له تسعيرة، وله احتياجاته ومجالاته اللي تنجح فيها، ولذلك لازم تكون عارف تسعيرة كل إعلان، من خلال إنك تعمل تيست أو اختبار، بميزانية محدودة للإعلان بحيث انك تعرف: الإعلان المناسب ليك- الميزانية اللي محتاجها- وتتجنب أي أخطاء في الاستهداف
ثالثاً أفكار إعلانات فيسبوك: الإعلان كل ما كان مبتكر وجديد، كل ما كان الوصول له أسرع وارخص، علشان كدة مش أي بوست أو منشور ينفع يكون إعلان، عادةً في الشركات الميديا باير! أو الشخص المسؤول عن الإعلانات، بيقعد مع كاتب المحتوى والمصمم، علشان يوصلوا لأفضل فكرة ممكن تتنفذ.
أفضل نتائج إعلان للفيسبوك
رابعاً أفضل طرق للإعلان على الفيسبوك: الحقيقة مفيش طريقة معينة، لأن زي ما قولنا كل مجال وله احتياجاته كل مجال وله جمهوره، كل ده بيتوقف على تحليلك للسوق، تعرف مين المنافس وتعرف عيوبه ومميزاته، تعرف مكانك في السوق وتعرف مميزاتك وعيوبك!
وده اللي اتكلمنا عليه قبل كدة في مقال إزاي تنجح في التسويق
لكن لو بتدور على خلطة مبدأية تعرف تشتغل عليها! خد الخلطة دي
https://www.facebook.com/iimagineegy
ايلون ماسك يشتري تويتر مقابل 44 مليار دولار
من هو ايلون ماسك؟
ايلون ماسك يشتري تويتر مقابل 44 مليار دولار
ماسك هو أغنى رجل في العالم، حسب اخر إحصائية لموقع فوربس، هو رجل أعمال أمريكي الجنسية.
ايلون ماسك هو صاحب شركة تسلا، المتخصصة في الأبحاث والإنتاجات ذات الطاقة النظيفة، وهو أيضاً:
صاحب شركة سبيس اكس المتخصصة في علوم الفضاء
كم تبلغ ثروة ايلون ماسك؟
حسب اخر إحصائية في شهر مارس :2022 تبلغ ثروة ايلون ماسك 171 مليار دولار
كما انه صاحب عملة رقمية، تحمل إسمه وهي في ارتفاع دائم بسبب تفاعله، مع جميع القضايا حول العالم.
سواء سياسية أو اجتماعية
علاقة ايلون ماسك وتويتر!
عام 2017 نشر إيلون ماسك تغريدة أو “تويتة”، يعبر فيها عن حبه لتويتر،فرد عليه المدي التنفيذي لشركة تويتر بسخرية:
حسناً إذا كان يعجبك اشتريه!
فرد عليه ايلون ماسك :حسناً كم يبلغ ثمن تويتر
وبالرغم من ثراء ايلون لكن من المتعارف عليه، التفاعل الدائم مع متابعيه
وسؤالهم دائماً حتى قبل أن يشتري تويتر، ما هي التعديلات والإضافات التي إذا أضيفت لتويتر
سوف تزيد من مستخدمي المنصة!
ايلون ماسك يشتري تويتر مقابل 44 مليار دولار
ومن المنتظر خلال الأشهر القادمة، الكثير من التغيير والتعديل على منصة تويتر! لأن ايلون دائماً ما يسعى للشباب، وتوفير احتياجتهم حتى يكسب المزيد منهم
!فمن ضمن مجموعة من الاسئلة، التي قام بسؤالها لمتابعيه، هو رغبتهم في زيادة عدد الاحرف في التغريدة
أثارت تلك التغريدة موجة كبيرة من التفاعل، ليس فقط على حساب ماسك بل في العديد من الحسابات الأخرى.
بدأ المتابعين في سؤال مؤسس تويتر عن ما إذا كان الموقع أصبح من ضمن أملاك ايلون!
لكن السؤال لماذا يريد ايلون ماسك امتلاك تويتر؟
الإجابة ببساطة لأنه يبحث عن المستقبل، يريد الاستثمار فيما هو قادم، بدءاً من تسلا، سبيس اكس لعلوم الفضاء والصواريخ، عملته الرقمية، وصولاً إلى تويتر.
كن مثل ايلون ماسك، وفكر دائماً في المستقبل، استثمر في الديجيتال ماركتينج
ابحث دائماً عن اسهل طريق للنجاح،
يمكنك قراءة المزيد، عن الموضوع من الرابط الموجود اسفله
اسهل طريق للنجاح
النجاح محتاج مجهود، لكن إيه أسهل طريق للنجاح؟
اسهل طريق للنجاح !
لكن المشكلة الأكبر إنك تتعرف وسط الناس وإن عملائك يقدروا يوصلوا لك بسهولة!
دلوقتي في ظل التطور الكبير اللي احنا فيه والتكنولوجيا اللى دخلت على كل حاجة في حياتنا، واللي انعكس بشكل كبير على المجهود اللى بنعمله في اشباع رغباتنا من خلال استخدام التكنولوجيا، يعني دلوقتي بدل ما اروح المطعم عشان اطلب اكل، بقى سهل اطلب اللي انا عايزه بالتليفون، مش بس كده، ده بقى في عندي اختيارات كتير من المطاعم، وكل مطعم منهم بيحاول على قد ما يقدر إنه يقدم عروض كبيرة لعملائه، يعني المنافسة مبقتش سهلة ولا سهل إنك تحجز مكانك في السوق.
ده بقى موجود في اي حاجة داخلية او خارجية ممكن نشعر بيها سواء ( الحاجة للبس – الحاجة للسكن – الحاجة للعمل – إلخ )
ولو ضربنا مثل واحد عن كل حاجة من الحاجات الإنسانية اللي بنشعر بيها يومياً مش هنخلص.
اسهل طريق للنجاح
واحنا هنا فيأي إيمجين هنعملك الابلكيشن اللى يناسب طبيعة شغلك وطبيعة المشروع بتاعك، ويناسب كمان عملائك
سواء بتقدم خدمة أو منتج أو حتى فكرة!
متضيعش وقت ومكاسب كتير ممكن تيجي لمشروعك.
انجح خطة تسويقية
الذكاء التسويقي دايماً بيكسب علشان كدة لازم تعرف
انجح خطة تسويقية
رغم إنه موقع ممتاز وكان موجود عليه منتجات مستعملة، بيتم بيعها مقابل سعر ثابت، لكن بالرغم من جودة المنتج
مقدرش إنه يحقق أي شهرة بالرغم من إن القائمين عليه صرفوا كتير على الدعاية.
وبسرعة البرق كل وسائل الإعلام الأمريكية بدأت تتكلم عن الصفقة الغريبة دي، وبعد إنتشار الخبر في كل الجرائد والقنوات بتلات اسابيع فقط.
اتقدم موقع eBay المشهور بطلب شراء لموقع هاف دوت كوم.
ووافق أصحاب الموقع على البيع بسبب العرض المغري اللي وصل لـ 350 مليون دولار أمريكي!
والموقع بعد كدة بقى إسمه halfeBay.com
لموقع إلكتروني حقق عائد 350 مليون دولار بعد أقل من شهر من تنفيذ الفكرة
كل ما كانت الفكرة مختلفة ومبتكرة كل ما ضمنت تحقيق المكسب.
من خلال طرح أفكار تقليدية وأفكار غير تقليدية لأن فريق العمل عندنا دايماً مطلع على كل الأفكار
الجديدة في عالم التسويق وكيفية تطبيقها، نهنا كان نشاطك إنت معانا في أمان
أي إيماجين حلمك هيبقى حقيقة
يعني إيه براندينج
عايز تفتح مشروع؟ يبقى لازم تفهم
يعني إيه براندينج ؟
براندينج يعني تحدد هوية لمشروعك بمعنى:
أي مشروع في بدايته لازم يكون عارف أربع حاجات مهمة جداً
1- النشاط التجاري للمشروع
2- مين الجمهور اللي بيستهدفه
3- المنافسين اللي في السوق وهوياتهم
4- عايز الناس تشوفك ازاي؟
لأن كل ده هيفرق معاك كتير في المستقبل من خلال تحديد هويتك والبراند بتاعك إتجاهه هيكون رايح لفين!
يعني إيه براندينج ؟
- اللوجو الخاص بنشاطك التجاري
قبل ما تعمل اللوجو لازم تكون عارف النشاط اللي بتشتغله كويس جداً، ولازم تكون عارف جمهورك، عشان تحدد هتختار أي نوع من انواع اللوجو ” أيوة فيه أنواع كتير من اللوجوهات” بس مش كلها ممكن تكون مناسبة لنشاطك التجاري - الألوان اللي بتميز المنتج بتاعك عن المنافسين
زي ماقولنا دراستك للمنافسين والجمهور المستهدف هتحدد إنت هتختار ألوان إيه، يعني لو انت بتستهدف ذكور والمنتج ذكوري مينفعش تستخدم لون زي الوردي أو البينك وهكذا، لازم تركز جداً مع منافسينك عشان لما تختار ألوان تختار ألوان بعيدة عنهم، وهكذا في كل البنود - الاسلوجان ” الشعار” اللي المفروض يعلق مع الناس
كل البراندات العالمية اللي موجودة حالياً بتستخدم الاسلوجان مش بس لمجرد إنها جملة موجودة تحت إسم البراند، الموضوع تأكيد هوية يعني مثلاً ماكدونالدز بتستخدم شعار: انا أحبه
أو فودافون بستخدم شعار: القوة بين إيديك
أو سيفن أب بالرغم من إنها تحت شركة بيبسي لكن كان لها شعار
يا لذيذ يا رايق!
الشعار لما بيعلق في دماغ الناس بيستخدمه في حياتهم العادية
لأن الشعار علق مع الناس
يعني إيه براندينج ؟
بالمختصر شكلك هيكون عامل إزاي في عين عميلك؟!
لما هيشوف اللوجو بتاعك أو الأسلوجان إيه أول فكرة هتيجي على باله
طبعاً كل ده بيدعمه شغلك على السوشيال ميديا ولو بتعمل إعلانات في التلفزيون
والأهم من كل ده إنك تلاقي الشركة اللي تقدر تبني على كتفها البراند بتاعك بكل تفاصيله وكل سبل نجاحه.
أي إيماجين الشركة اللي إنت بتدور عليها، لأننا بنقدملك فريق عامل كامل هيشتغل كأنه موظف تسويق في شركتك
6 خطوات لنجاح عيادتك
مهمتك كطبيب لها أهمية كبيرة في المجتمع
غير إن العملاء مش بيكونوا عارفين إنه موجود من الأساس
مش لازم يكونوا عندك في العيادة، لأن ده هيزود حاجة إسمها ولاء العميل للبراند
أو لحضرتك حتى لو مكنوش عملاء حاليين مع الوقت هيكونوا معاك
مع المرضى، لأن ده هيزود الثقة فيك وهيخليهم متأكدين إن العلاج موجود معاك
الفريق اللي بيشتغل معاك مين ومؤهلاتهم إيه، لازم يشوفوا عيادتك أو المستشفى الخاصة بيك
وكل ما الناس تعرف أكتر كل ما الثقة بينكم هتزيد اكتر وأكتر
في الفترة الأخيرة انتشرت التطبيقات الطبية، لازم تكون موجود في اي ابلكيشن بيقدم
خدمات طبية وده علشان تسهل الوصول ليك
سيرتك الذاتية وتجاربك وعملياتك بدون أي قيود، زي اللي بتفرض على السوشيال ميديا
بالإضافة لزيادة الثقة بينك وبين عملائك.
6- التريندات: دورك كطبيب إنك تشارك العملاء في أي تريند يقابلهم أو يكون من اهتمامتهم،
طبعا الموضوع ده لازم يكون مناسب للمكانة الإجتماعية، ولطبيعة الفئة اللي بيتم استهدافها
لأن كل ما تكون قريب من المرضى أكتر كل ما هتزيد الثقة بينك وبينهم اكتر.
فيه اسباب تانية كتير ممكن تنجح عيادتك، لكن إحنا ركزنا على أهم النقاط في المقال ده
حتى لو كنت حاسس إنك مش هتقدر تركز في كل ده، ممكن تتواصل معانا