أفضل نتائج إعلان للفيسبوك
إزاي تحقق أفضل نتيجة من الإعلانات
أفضل نتائج إعلان للفيسبوك! ممكن توصل لها بأكتر من طريقة وأسلوب، أهم حاجة تكون عندك المعلومات الكافية عن:
- مدير إعلانات الفيسبوك
- اسعار الإعلانات في الفيسبوك
- أفكار إعلانات فيسبوك
- أفضل الطرق للإعلان
هنتكلم بالتفصيل عن كل نقطة علشان توصل لأفضل نتائج إعلان للفيسبوك
أولاً مدير إعلانات الفيسبوك: يعتبر هو النقطة الأهم لتشغيل الإعلانات على: فيسبوك وانستاجرام وماسنجر!
يعني اداة شاملة مش بس لتشغيل الإعلانات، كمان لإدارتها بصورة صح ومراقبتها لتحقيق أفضل أداء!
ثانياً أسعار الإعلانات في الفيسبوك: كل نوع من أنواع الإعلانات له تسعيرة، وله احتياجاته ومجالاته اللي تنجح فيها، ولذلك لازم تكون عارف تسعيرة كل إعلان، من خلال إنك تعمل تيست أو اختبار، بميزانية محدودة للإعلان بحيث انك تعرف: الإعلان المناسب ليك- الميزانية اللي محتاجها- وتتجنب أي أخطاء في الاستهداف
ثالثاً أفكار إعلانات فيسبوك: الإعلان كل ما كان مبتكر وجديد، كل ما كان الوصول له أسرع وارخص، علشان كدة مش أي بوست أو منشور ينفع يكون إعلان، عادةً في الشركات الميديا باير! أو الشخص المسؤول عن الإعلانات، بيقعد مع كاتب المحتوى والمصمم، علشان يوصلوا لأفضل فكرة ممكن تتنفذ.
أفضل نتائج إعلان للفيسبوك
رابعاً أفضل طرق للإعلان على الفيسبوك: الحقيقة مفيش طريقة معينة، لأن زي ما قولنا كل مجال وله احتياجاته كل مجال وله جمهوره، كل ده بيتوقف على تحليلك للسوق، تعرف مين المنافس وتعرف عيوبه ومميزاته، تعرف مكانك في السوق وتعرف مميزاتك وعيوبك!
وده اللي اتكلمنا عليه قبل كدة في مقال إزاي تنجح في التسويق
لكن لو بتدور على خلطة مبدأية تعرف تشتغل عليها! خد الخلطة دي
https://www.facebook.com/iimagineegy
إزاي تخسر عميل جديد؟ إزاي تكسب عميل جديد؟
إزاي تخسر عميل جديد؟ إزاي تكسب عميل جديد؟
مش محتاج أكتر من خمس خطوات بالظبط أو خمس أخطار لو عملتهم أكيد هتخسر عميلك الحالي مش بس كدة إنت كمان هتخسر أي عميل محتمل بجانب إنك أصلاً مش هتقدر توصل للعميل اللي ميعرفش عنك حاجة
ودة لأن العملاء بيتقسموا لتلات أنواع
عميل مهتم
- عميل محتمل
- عميل مجهول
وهنتكلم عن التلات أنواع في مقالات جاية بالتأكيد!
لكن خلينا نعرف
إزاي تخسر عميل جديد؟ إزاي تكسب عميل جديد؟
أول غلطة
الرد السيء: إن الشخص المسؤول عن الرد على العملاء يكون مش محترف في ردوده أو تعامله مع العملاء
تاني غلطة
العشوائية: في خلال إدارة صفحتك ميكونش عندك خطة ماشي على أساسها وده اللي يخلي العميل يحس بالعشوائية وإنك مش محترف حتى في إدارة صفحتك
تالت غلطة
اللغة: إنك متقدرش تحدد اللغة اللي تكلم بيها العميل فتستخدم لهجة مش مناسبة لجمهورك المستهدف
رابع غلطة
الهوية: العميل ميبقاش عارف هويتك ” اللوجو- ألوانك- السلوجان” وهكذا لأن بالطريقة دي مجرد ما العميل يخرج من صفحتك هينساك
خامس غلطة
إنك تبقى عايز تبيع على طول لعميلك من غير ما تقدم له قيمة يتابعك عشانها لأن كل المنافسين أكيد بيعملوا عروض المهم إنت مختلف في إيه؟
لو وقعت في الخمس أخطاء دي أعرف إنك هتخسر عملاء مش هتكسبهم وهتكون بداية النهاية لمشروعك ولذلك لما تقرر تفتح مشروع لازم تتعامل مع المحترفين.